Eins og þeir vita sem hafa fylgst með skrifunum hérna á vefnum, þá er ég með könnun í gangi um það hvað launin endast hjá fólki yfir mánuðinn.
Tölurnar hafa verið að mjakast upp hægt og rólega en mest bar þó á því fljótlega eftir að könnunin fór í loftið að efsti liðurinn fór hratt upp á við og á stuttum tíma voru komin yfir 500 svör á hann meðan hin hækkuðu lítið sem ekkert eða sem nam tíunda hluta af þeim efsta.
Fljótlega upp úr hádegi í dag sá ég síðan aukna umferð á vefinn hjá mér og hafa verið að koma innskot af og til í dag þar sem allt að 50 til 60 tengingar eru virkar samtímis og fór ég í kjölfarið að fylgjast með hvað væri í gangi í sambandi við þessa könnun.
Kom þá í ljós að neðsti liðurinn, þar sem svarið er að viðkomandi eigi tekjuafgang um hver mánaðrmót, hafði tekið góðan kipp eins og má sjá af meðfylgjandi myndum.
Ég hef ekki séð eða náð að kana til hlýtar hvaðan þessar tölur koma en verð þó að segja að mér finnst þetta svolítið undarlegt.
Eins og fyrri myndin sýnir, þá eru um fjögur leitið í dag 178 búnir að haka við neðsta liðinn en klukkan hálf sex hafa 226 hakað við þann lið meðan aðrar tölur hafa ekkert hreyfst utan sú næst neðsta sem hefur fengið 3 atkvæði.
En hvað sem því veldur, þá er könnunin enn opin og endilega hvetja fólk til að taka þátt í henni með því að deila pistlinum eða síðunni áfram til sem flestra.