Jack H. Daniels

Svarthol Hugans

„Helgi Seljan hefur ítrekað viðhaft ámælisverð og óheiðarleg vinnubrögð í tengslum við umfjöllun um Samherja í miðlum Ríkisútvarpsins undanfarinn áratug. Hefur fréttamaðurinn orðið uppvís að því að hagræða gögnum, slíta upplýsingar úr samhengi og laga fréttaflutning að eigin geðþótta,“ er skrifað á síðu Samherja.

Það er búið að staðfesta og sanna að Helgi Seljan gerði ekkert slíkt, allt það sem hefur komið fram er skjalfest og staðfest að sé rétt og heiðarlega unnið af Helga og bara þetta feitletraða væri nóg til að höfða meiðyrðamál á hendur Samherja.

Gunnar Þór Pétursson, Páll Rafnar Þorsteinsson og Sigrún Stefánsdóttir eru þau sem skipa siðanefnd RÚV en Páll Rafnar er sonur Þorsteins Pálssonar fyrrum þingmanns og forsætisráðherra Sjálfstæðisflokksins og því varla hlutlaus í málefnum sem snúa að Samherja.

Sigrún Stefánsdóttir er Akureyringur, nátengd Samherja í gegnum starf sitt við Háskóla Akureyrar.  Hlutlaus?  Varla.

Gunnar Þór er með meistaragráðu í lögfræði frá Háskóla Íslands sem og LL.M gráðu og doktorsgráðu frá Háskólanum í Lundi. Hann öðlaðist réttindi til málflutnings fyrir héraðsdómi árið 2002.
Gunnar Þór starfaði áður við lagadeild Háskólans í Reykjavík þar sem hann var prófessor í lögfræði og sérhæfði sig í Evrópurétti. Hann er einnig gestakennari við Háskólann í París en starfar nú við sem framkvæmdastjóri innra markaðssviðs hjá eftirlitsstofnun EFTA.
Hlutlaus?  Varla.

Og þá spyr maður sig hvort línan milli persónulegrar færslna Helga og svör á samfélagsmiðlum eða fréttaflutningur sé sambærilegur?

Óþveraskapur auðvaldsins, arðræningja og siðblindra þjófa kristallast í þessum árásum á fréttamenn sem upplýsa um svik, þjófnaði, mútur og fleira sem þolir illa dagsljós eins og kristallast þessum “dómi” siðblindrar og meðvirkrar “siðanefndar” RÚV.

Með þessum dómi er RÚV algjörlega búð að gjaldfella sig sem trúverðugan fjölmiðil á íslandi enda er vitað að flestir þáttastjórnendur þar eru flokksbundnir eða vel innmúraðir í sjálfstæðisflokknum og má þar sérstaklega nefna Kastljósið þar sem báðir stjórnendur eru harðir sjálfstæðismenn.

Rúv er og verður aldrei hlutlaus fjölmiðill meðan ránfuglsklær sjallafálkans heldur þar um stjórntaumana og það eru mörg ár síðan eitthvað mark hefur verið takandi á slagorði þeirra, FJÖLMIÐILL ALLRA LANDSMANNA!

Umsagnir eru á ábyrgð þeirra sem þær skrifa

Umsagnir

Svipað efni