Vigdís Haukdsdóttir, þingmaður Framsóknarflokksins, segist á Facebook síðu sinni vera orðlaus. „Nú er búið að leggja stjórnarskrárfrumvarpið fram sem breytingartillögu við formannafrumvarpið um breytingarákvæði stjórnarskrárinnar. Ég er orðlaus á vinnubrögðunum og ósvífninni!
Það var Margrét Tryggvadóttir þingmaður Hreyfingarinnar og frambjóðandi Dögunar sem varð völd að þessu kraftaverki, að gera Vigdísi kjaftstopp og á hún skilið mikið hrós fyrir vikið enda er Vigdís þekkt fyrir makalaus mismæli sín og ambögur fyrir utan að vera almennt illa máli farin og nánast óskiljanleg í hvert sinn sem hún tjáir sig.
Almenningur hefur glaðst mikið yfir þessu og má sjá viðbrögð fólks í kommentakerfinu á Smugunni hvar upphaflega fréttin er.
