Er ekki komið nóg af dekrinu við ræflana og aumingjana sem stela eigum fólks, skemma heimili þess? Svo maður tali nú ekki um þá röskun sem þetta veldur á sálarlífi fólks langan tíma á eftir ef fólk þá jafnar sig nokkru sinni.
Það er varla hægt að tala um betrunnarvist lengur eða betrunnarhús. Nær væri að kalla fangelsi landsins lúxushótel þar sem fangarnir, að vísu fá ekki að valsa út og inn heldur er haldið föngnum. Þeir fá þó að fara út og hreyfa sig, stunda íþróttir og vinnu nánast að eigin geðþótta og fæðið er víst ekkert slor heldur.
Nú þekki ég nokkuð af fólki sem hefur þurft að sitja af sér dóm fyrir eitt og annað en ég þekki hins vegar líka fólk sem hefur verið brotist inn hjá og öll þeirra verðmæti tekin eða eyðilögð. Verðmæti sem eru ekki bara í krónum og aurum heldur minningum líka. Ég þekki konu sem var nauðgað sofandi inni á sínu eigin heimili af manni sem braust inn hjá henni. Hann rændi hana ekki bara verðmætum heldur líka sálarfriði sínum og nánast geðheilsu líka. Sá maður gengur laus eftir að hafa setið inni á lúxushótelinu á Kvíabryggju í rúmlega hálft ár. Hálft ár fékk hann fyrir að ræna konuna sálarheill sinni, svefni og rándýrum skartgripum sem hún erfði eftir langömmu sína. Henni finnst hún ekki einu sinni örugg á sínu eigin heimili lengur eftir þessa atburði og er þó með tvöfalt þjófavarnakerfi.
Það nýjasta í glæpamannadekrinu er gerfigrasvöllur á Litla Hrauni.
Já þið lásuð rétt. Gerfigrasvöllur fyrir glæpamenn. Hyski sem á að vera í betrunnarvist en ekki leika sér á lúxushótelum. Manni liggur við að æla af viðbjóði. Þetta eru einstaklingar í mörgum tilfellum sem ættu ekki að fá að umgangast almenning sem þarna er púkkað 10 miljón króna gerfigrasi undir.
Mitt persónulega álit á þessu máli er einfalt. Kaupum frekar nokkra úthafstogara sem eru úti á hafi minnst hálft ár í einu og látum þessa ræfla vinna upp í þann skaða sem þeir valda samfélaginu og einstaklingum með hegðun sinni í stað þess að fæða þetta, klæða og púkka gerfigrasi undir þetta svo það geti leikið sér eins og það sé bara sjálfsagður hlutur. Sendum barnaníðinga, handrukkara og annað slíkt gæpahyski um borð í minnst 12 túra. Annþór og Birgir mega hins vegar vera þar til æviloka enda best geymdir þar sem þeir komast ekki með krumlurnar eða borvélarnar og kylfurnar nálægt almennilegu fólki. Þeir eiga það skilið.
Mér er farið að leiðast að horfa upp á þetta glæpamannadekur meðan fólk sem verður fyrir tjóni af hendi þessara ræfla fær ekkert bætt, hvorki fjárhagslega eða tilfiningalega og lögreglan getur ekkert gert vegna fjárskorts. 10 miljón króna gerfigrasvöllur fyrir glæpamenn. Frábær forgangsröðun í kjánalandi.
