Sigrún Lilja Guðmundsdóttir skrifar langan pistil á Facebook síðu sína og deilir myndum af sér eftir að nauðgunarlyfi var laumað í drykk hjá henni og vinkonum hennar um liðna helgi.
Í pislinum lýsir hún því hvernig lyfið virkaði á hana og vinkonur hennar en hún byrjar á því að tala beint til þess sem byrlaði henni eitrið.
Þú hefur væntanlega skipulagt þig vel fyrir kvöldið, passað uppá að vera með nægilega mikið af nauðgunarlyfi meðferðis þegar þú fórst niðrí bæ, tilbúin að finna þér fórnarlömb kvöldsins til að eitra fyrir. Væntanlega búin að undirbúa staðinn sem nauðgunin færi fram og passað vel uppá að þar væri engin nálægt sem gæti aðstoðað fórnarlamb kvöldsins eftir hún myndi lamast eftir að þú byrlaðir henni lyfi í glasið sitt, svo er alveg spurning hvort þú hafir verið að skipuleggja hópnauðgun á álitlegum vinkonuhóp. Þú hefur væntanlega séð okkur þrjár vinkonurnar að dansa og ákveðið að við yrðum þín fórnarlömb þetta kvöld eða amk ein okkar, en passað vel uppá að byrla okkur öllum til þess að það gæti nú engin okkar komið þeirri okkar sem þú ætlaðir að nauðga til aðstoðar þegar við myndum lamast, blindast, hætt að geta talað og byrja að froðufella.
Þú hefur ekki fengið mörg tækifæri því við fengum okkur sitthvorn drykkinn og héldum á glösunum okkar allan tíman (nema eitt augnablik þegar við lögðum það frá okkur) þá hefur þú látið til skarar skríða og þér tókst áætlunarverkið, eða amk helming verksins að byrla okkur nauðgunarlyfi. Svo hefur þú horft á okkur og fylgst með og beðið eftir að við myndum byrja að lamast og lognast útaf ein af annari. Vitandi að það myndu allir halda að þetta væru vinkonur sem hefðu drukkið aðeins of mikið þetta kvöldið og gætum í þessu ástandi ekki varið okkur, aðstoðað hvor aðra, vitað hvar við værum, myndum ekki muna neytt og því myndi engin vinkona þvælast fyrir þér þegar þú kæmir sem „life saver“ og myndir aðstoða stúlkuna „heim“ sem var sú útvalda þetta kvöld.
Þú varst hinsvegar óheppinn því þú eyddir lyfinu þínu til einskis, eða mikið vona ég það amk. Ekki nema að þú hafir byrlað fleirum en okkur og einhver önnur hafi ekki getað varið sig fyrir þér þegar þú sást hana lamast og þú hafir náð henni út og hún hafi þurft að upplifa sína verstu martröð að vera nauðgað af þér.
Þær voru einstaklega heppnar þessar konur því þær sluppu allar betur frá þessu heldur en nauðgarinn ætlaðist til að þær gerðu.
Þú ert eins og gefur að skilja mjög veikur maður, þú hefur án efa upplifað hræðilega hluti sjálfur, því ég trúi því og veit að það fæðist engin svona úrkynjaður, þú ert afleiðing einhvers og hefur orðið utangátta. Þú verðu að athuga það að þú ert mikið veikur, væntanlega á geði og þínar langanir eru mjög brenglaðar. Ef þig langar að nauðga konu og hvað þá í þessu ástandi, þar sem hún liggur gjörsamlega lömuð og hreyfingarlaus, getur sig ekki hreyft né varið, getur ekki talað, froðufellir, perlar af henni svitinn þar sem hún liggur í sinni eigin ælu og getur ekki einu sinni lyft höfðinu til að kasta upp ef þetta vekur upp hjá þér langanir þá ertu alvarlega skaddaður.
Rétt lýsing á þessu manógeði því þeir sem gera svona hljóta að vera virkilega skemmdir á sálinni, ef ekki hreinlega bara geðveikir.
Enginn heilbrigður maður mundi einu sinni láta sér detta í hug að gera svona viðbjóðslega hluti eins hún lýsir þarna.
Við vorum heppnar þetta kvöld og það er ekki þér að þakka, við vinkonurnar fórum í sitthvora áttina áður en við duttum út og lömuðumst ein af annarri og það er örugglega það besta sem gat komið fyrir okkur, því við vorum allar með öðru fólki á því augnabliki sem gátu komið okkur til aðstoðar þegar lyfið fór að verka.
Ég var með samstarfskonu minni og ég get þakkað guði fyrir að ekki fór verr því við erum tildurlega nýbúnar að kynnast og hún hefði auðveldlega getað afskrifað mig sem dauðadrukkna. En hún sá mig hinsvegar í góðu lagi þar sem ég dansaði við hana og hló og skemmti mér, svo allt í einu þá lamaðist ég og datt niður þar sem ég lág á grúfu á dansgólfinu. Hún hélt fyrst að ég hefði meitt mig en sá svo þegar hún lyfti höfðinu mínu að ég var gjörsamlega lömuð, froðufellandi, sá ekki né gat talað.
Hún og maðurinn hennar báru mig út af staðnum og lögðu mig niður fyrir utan þar sem ég gat ekki hreyft legg né lið og lág þar á hliðinni það eina sem kom uppúr mér var æla og froða. Þeim tókst að finna leigubíl og þegar í hann var komið þá tók það dágóðan tíma að finna út hvar ég ætti heima, því ég var meðvitundarlaus og gat því ekki talað. Eftir að hafa strögglað í því þá tókst þeim að finna útúr því og farið var með mig heim.
Maðurinn minn var vakinn og fékk hann taugaáfall þegar hann sá mig því hann hefur þekkt mig í 15 ár og aldrei séð mig í ástandi í líkingu við þetta. Ég er ein af þeim sem kann mín mörk og veit ekki hvað „black out“ er.
Þau ákváðu að hringja á sjúkrabíl þar sem ég lág í anddyrinu heima, hreyfingarlaus, átti erfitt með andardrátt, kastaði stöðugt upp og frá mér komu hljóð sem þau hafa ekki heyrt áður.
Maður reynir að sjá fyrir sér einstakling sem er tilbúinn að eitra svo illa fyrir öðrum einstakling að hann verður algerlega ósjálfbjarga, lamast, ælir og getur ekki tjáð sig, og svo ætlar eiturbyrlarinn að hafa kynferðismök við fórnarlambið.
Manni verður hreinlega bara flökurt við tilhugsunina.
Hversu sjúkt getur hugarfarið hjá svona einstaklingum verið?
Hvað trikkar svona einstaklinga til að fara út, leita sér að fórnarlambi til eitra fyrir og nauðga?
Þar sem nautnin hjá þeim virðist beinast að fórnarlömbum sem eru gjörsamlega lömuð og geta enga björg sér veitt, ætli þessir vesalingar reyni þá líka að komast inn á sjúkrahús þar sem konur sem af einhverjum ástæðum hafa lent í slysum liggja í dái og nauðgi þeim?
Það er spurning hvort ekki þurfi að kanna þann möguleika.
Og fylgjast með líkhúsunum, því þeir hljóta að leita þangað líka þessir sjúku einstaklingar.
Afsakið meðan ég æli, því ég sá þetta fyrir mér.
Mæli með að þið lesið pistilinn í heild sinni á Facebook og deilið honum.
