Jack H. Daniels

Svarthol Hugans

Skattgreiðendur látnir borga fyrir málsvörn dæmdra glæpamanna

Skoðað: 2644

Farið var fram á fimm og hálfs árs fangelsisdóm yfir Lárusi Welding, fyrrverandi bankastjóra Glitnis.

Lárus Welding, fyrrverandi bankastjóri Glitnis, var í Héraðsdómi Reykjavíkur í dag dæmdur í níu mánuði, sex mánuði skilorðsbundið.  Farið var fram á fimm og hálfs árs fangelsi yfir honum, og fimm ára fangelsi yfir Guðmundi Hjaltasyni, fyrrverandi framkvæmdastjóra fyrirtækjasviðs.  Guðmundur fékk sama dóm og Lárus segir í frétt á MBL í dag.  En þar er ekki öll sagan sögð, því út af fyrir sig að vera mjög vægur dómur miðað við alvarleika málsins, þá er skattborgurum þessa lands, það er að segja mér og þér, gert að greiða helming málskostnaðar þessara hvítflibbaglæpamanna.  Í tilfelli Lárusar greiðir ríkissjóður fimm milljónir af tíu og í tilfelli Guðmundar greiðir ríkissjóður fjórar milljónir af átta.

Á sama tíma situr maður í fangelsi fyrir smáþjófnað.
Jónas var í fyrra dæmdur í fimm mánaða fangelsi fyrir að hafa í tvígang stolið sér til matar í verslunum 10-11 og Hagkaupa á einni helgi í febrúar. Þá fékk hann þriggja mánaða dóm fyrir að hafa stolið vodkaflösku af veitingastaðnum Brons í júlí.

„Ég verð fimmtugur þann 11. nóvember sem fangi og held jól í fangelsi fyrir súpu upp á 250 krónur sem ég borgaði daginn eftir. Ég hélt að ég ætti nóg fyrir henni,“ segir Jónas Bjarki Gunnarsson.
Sjá nánar hérna

Skoðað: 2644

Umsagnir eru á ábyrgð þeirra sem þær skrifa

komment

Updated: 28. desember 2012 — 18:38
Allur réttur áskilin. Jack H. Daniels © 2014

Með því að halda áfram samþykkir þú að nota smákökur. meiri upplýsingar

Stillingar vefsíðunar krefjast þess að smákökur séu notaðar til að notendur fá bestu mögulegu gæði og hraða við að skoða síðuna. Ef þú heldur áfram að nota síðuna án þess að breyta smákökustillingum þínum eða með því að smella á "Samþykkja" hér að neðan, þá ertu mögulega að missa af efni á síðunni.

Loka