Vefurinn er AMX og dálkurinn heitir hjá þeim ,,Smáfuglahvísl“ en almenningur með skynsemina í lagi kallar dálkinn sínu rétta nafni, ,,Hræfuglagarg“.
Þarna fá þeir útrás vinirnir, sem aðeins heimskingjar og illa gefnir einstaklingar með enga sjálfstæða hugsun í hausnum, fylgja eins og tryggir hundar húsbónda sínum, þeir Hannes Hólmsteinn, Björn Bjarnason og margir fleiri hægri menn sem hafa enga samkennd með einum eða neinum nema sjálfum sér og innstæðum sínum í bankanum, hlutabréfaeignum sínum eða fjölda seðlana undir koddanum. Það má minna hræfuglana á eftirfarandi og það kemur fram í fréttinni sem hlekkað er við þessa bloggfærslu að þetta tíðkaðist jú líka í stjórnartíð Sjálfstæðismanna.
Þetta er þriðja árið í röð sem atvinnuleitendur fá greidda
desemberuppbót, en áður hafði slík uppbót síðast verið greidd árið 2005.
Og hverjir voru svo við völd árið 2005?
Málflutningur sá sem stundaður er á AMX vefnum er að mestu leyti viðbjóður. Viðbjóðsleg skrif um fólk sem stendur höllum fæti í þjóðfélaginu, atvinnuleysingjar, öryrkjar, fólk með geðraskanair og fólk sem þarf á hjálp samfélagsins að halda en rætnin, illgirnin og lygarnar sem oft eru skrifaðar um fólk úr miðju og vinstri flokkunum í stjórnmálum er þó yfirgnæfandi.
Hvað er annars hægt að segja um svona skrif?
Smáfuglunum dettur ekkert í hug. Atvinnulausir eru heima við og geta þar
hoft á sjónvarp með fjölskyldu sinni frá morgni til kvölds ef þeir svo
vilja. Réttlætir það sérstaka uppbót?
Sjá hérna
Nei. AMX er vefur þar sem ákveðnir einstaklingar úr öfga hægri armi Sjálfstæðisflokksins skrifa undir nafnleynd. Einstaklingar sem aldrei á sinni aumu æfi hafa unnið ærlegt handtak en verið á ríkisjötunni nánast allt sitt líf, fæddir með silfurskeið í kjafti og gullgaffal í görn.
Þetta er aumt lið sem hefur það eina markmið í lífinu að ala á sundurlyndi fólksins í landinu því þeir sem fylgja stefnu þeirra, (þeir eru nú all nokkrir hér á blogginu og má nefna tvo þá allra verstu hérna, Jón Val Jensson og Heimi Fjelsted) sem lepja upp drulluna og skítinn sem lekur frá átrúnaðargoðum þeirra, (Guð er hjáguð þeirra) Davið Oddssyni og Hannesi Hólmsteini og dreifa óhroðanum og lygunum áfram og trúa því eins og nýju neti að þeir fari þar með allan sannleika sem hægt er að finna.
Með því að nota svona aumingjans grey, sem enga sjálfstæða hugsun hafa, tekst AMX og hægri öfga öflunum að halda áfram að ala á sundurlyndi meðal landsmanna. Áróðursmaskína Göbbels virkar enn í dag og einkunnarorðin; ,,segðu sömu lygina nógu oft því þá trúir fólk henni sem sannleika“ virkar því alveg enn þann dag í dag eins og sést á öllum skrifum AMX, ritstjóra Mbl og öfga hægri línu Sjálfstæðisflokksins.
Góðar stundir.
