Framsóknarflokkurinn er búinn að þurka út fortíðina af vefsíðu sinni. Ekkert er þar lengur að finna frá árinu 2009 og búið að eyða út frétt af vefnum þar sem þeir monta sig af 90% lánunum sem þeir voru svo stoltir af að hafa komið í gegnum þingið á sínum tíma.
Það verður fróðlegt að sjá hvort þetta á eftir að hafa áhrif á fylgi flokksins á næstunni því svona vinnubrögð eru algerlega í anda Sjálfstæðisflokksins sem gerði þetta sama fyrr á árinu þegar þeir afneituðu fortíðinni með svipuðum hætti.
Hins vegar er það góða við Internetið, að öllu er þar haldið til haga svo lengi má finna það sem leitað er að.
Þeir sem vilja kynna sér nánar hvað það var sem eytt var af heimasíðu framsóknar geta smellt hérna og lesið um afrekið á afriti sem til er á netinu.
