Viljum við þennan mann sem forseta?
Mann sem hatar þjóð sína og þegna.
Eftir lestur fréttamiðla frá því í morgunn þar sem fram kemur að Davíð Oddsson, hrunkóngur íslands hafi lýst yfir framboði til Forseta íslands, þá fór um skelfingarhrollur og framtíðin blasti við mér sem kolsvart ginnungargap þar sem upp stigu baneitraðar brennisteinsgufur og glitti í forsfórlogandi hraunsprungur hvar Djöfullinn sjálfur sat á snös tilbúinn að hremma hvern þann sem kæmi nærri brúninni, henda honum ofan í vítiseldinn og kvelja til eilífðarnóns.
Sem betur fer náði ég að hrista þessa hryllingssýn af mér áður en ég kálaði mér því ég hreinlega trúi því ekki að íslendingar séu nógu heimskir að kjósa þennan sjúka einstakling sem forseta íslands.
Er ekki nóg að óttast framboð Trumps í Bandaríkjunum?
Þurfum við líka okkar Trump hér á íslandi?
Nei takk.
Almenningur hlýtur að hafa lágmarksgreind til að kjósa ekki yfir okkur þann mann sem er höfundur efnahagshrunsins 2008.
EN!
Ef svo fer að ég hef rangt fyrir mér, þá er alveg á hreinu að ég mun forða mér af þessu landi því þá er orðið endanlega ljóst að þjóðinni verður ekki bjargað frá eigin heimsku.
Sama gildir ef fólk kýs Ólaf Ragnar Grímsson, því hann er gjörsamlega útbrunninn, í engum tengslum við fólkið í landinu en ver glæpalýðinn sem situr í ríkisstjórn íslands í dag.
