MYND: Insitute of Earth Sciences.
Ég var að hlusta á kvöldfréttir í útvarpinu í bílnum á leiðinni heim þegar fjallað var um eldgosið við Holuhraun og verið að velta fyrir sér hvað ætti nú að kalla þessa nýju eldstöð og hraunið sem þar flæðir úr iðrum jarðar. Satt best að segja hef ég sjaldan hlustað á annað eins dauðans kjaftæði sem vall upp úr fréttamönnum og viðmælendum þeirra um nafnagiftina og nú loga samfélagsmiðlar af þessari sömu veiki.
HVAÐ Á HRAUNIÐ AÐ HEITA!
Auðvita á það bara að heita Holuhraun enda hefur þetta svæði borið það nafn síðan 1884.
Þetta fár um nafn á hrauninu er hreint út sagt fábjánalegt í besta falli og þeim til skammar sem koma með svona tillögur.
Næst þegar gýs í Heklu, ætla þá fjölmiðlar að heimta að nafninu verði breytt og hún kölluð eftir einhverjum fréttamanni eða búa bara til nýtt örnefni?
Hvað með Bárðarbungu ef þar gýs?
Á að breyta nafninu á henni?
Kötlu? Eyjafjallajökli? Öskju?
Ég held ekki.
Ég held því fram að þarna hafi fjölmiðlafólk farið algeru offari í æsifréttamennsku og því miður líka hent frá sér bæði skynsemin og vitinu að auki og ætlast til að gömlu örnefni væri gefið nýtt nafn.
Hraunið og svæðið heitir Holugígar.
Höldum okkur við það.