Samkvæmt nýjustu upplýsingum sem lekið var til mín úr velferðarráðuneytinu, hefur verið ákveðið, í samráði við Innanríkisráðuneytið, Landhelgisgæsluna, Ríkislögreglustjóra og Tollinn að festa kaup á einföldu tæki sem mun fækka til muna þeim einstaklingum sem nú þegar eru undir fátæktarmörkum í landinu.
Tækið mun standa þeim til boða ókeypis sem eftir því leita ásamt þeim fylgihlutum sem þarf til að tækið virki.
Eftir að tækið hefur verið notað, en það þarf að gerast undir eftirliti, verður það innheimt og í kjölfarið fengið fleirum til afnota þar sem takmarkað magn verður flutt inn af því, enda er talsverður kostnaður fólginn í innflutningi þess.
Eygló Harðardóttir, ráðherra velferðarmála og Hanna Birna Kristjánsdóttir, innanríkisráðherra eru sannfærðar um að þetta tæki mun leysa varanlega mikið af þeim uppsafnaða vanda sem er vegna fátæktar á Íslandi og fækka lífeyrisþegum sem því nemur í kjölfarið.
Georg Lárusson, forstjóri Landhelgisgæslunar segir þetta þjóðþrifnað og Ríkislögreglustjóri tekur undir með honnum og segir þetta löngu tímabært því það sé orðið nauðsynlegt að losna við afæturnar á ríkisjötunni sem séu að setja efnahag landsins í stórhættu með heimtufrekju sinni um mannsæmandi laun og kjör en slíkt megi alls ekki gerast því með því sé hætta á óðaverðbólgu og launaskriði sem komi í veg fyrir að sjálftökuliðið á ríkisjötunni geti skammtað sér og vinum sínum ofurlaun í framtíðinni.
Þeim ráðherrum, þingmönnum og forstjórum opinberra stofnana sem hefur verið kynnt tækið og notkunn þess eru að sögn himinlifandi og lofa og prísa þá sem að þessu verkefni stóðu og segja þetta lausn á miklum vanda í íslensku þjóðfélagi.
Einn tók þannig til að orða að þetta væri löngu þörf „þjóðhreinsun“.
Á meðfylgjandi mynd má sjá tækið sem þær stöllur, Eygló og Hanna Birna, hafa ákveðið að festa kaup á.
