Jack H. Daniels

Svarthol Hugans

Hvers virði eru loforð stjórnmálamanna?

Skoðað: 1531

Ríkisstjórnin sem laug sig inn á þjóðina eru ærulausir siðblindingjar.

Ríkisstjórnin sem laug sig inn á þjóðina eru ærulausir siðblindingjar.

Hvers virði er loforð ef það er ekki efnt og hvernig manneskja er það sem lofar að vinna að ákveðnu málefni nái viðkomandi kjöri sem stjórnmálamaður?
Hvað mig varðar þá er það fólk sem lofar mér einhverju en stendur svo ekki við það þegar á reynir, ekkert annað en ótýndir lygarar sem vonlaust er að stóla á eða treysta.  Ég dreg heiðarleika þess fólks mjög í efa og skiptir engu máli hvort það fólk er mér tengt eða ekki, hvort ég þekki það eða ekki því sá sem svíkur loforð er óheiðarleg manneskja sem er ekki þess virði að taka trúanlega framar.

Í dag höfum við nokkra ráðherra og þingmenn í stjórnarflokkunum sem stunda það að ljúga og svíkja þau loforð sem gefin voru fyrir kosningar.
Allt þetta fólk gerir sem mest það má til að eyðileggja æru sína og trúverðugleika enda er nú svo komið að æra þessa fólks er ekki einu sinni skíts virði, hvað þá heldur skeinipappírs virði.

Siðferði fólks sem hagar sér með slíkum hætti sem Illugi Gunnarsson, Hanna Birna Kristjánsdóttir, Ragnheiður Elín Árnadóttir og síðast en ekki síst, Bjarni Benediktsson eru ekkert annað en ærulausir siðblindingjar í mínum huga.  Illgjarnt fólk sem veit ekki hvað heiðarleiki og siðferði er.  Þetta sama fólk heldur að völdin færi því virðingu almennings en raunin er sú að fólk fyrirlítur svona fólk og hatar það hreinlega.  Það er því ekki furða þegar þetta fólk stundar það að svíkja loforðin að víggirða þurfi alþingi til að halda „skrílnum“ frá síljúgandi og svíkjandi siðblindum valdhöfunum.

Maður hlýtur því að spyrja sig hvort það sé ekki rökrétt þegar fólk sem lofar og lofar í kosningabaráttunni en skiptir svo um skoðun þegar það hefur náð völdum og svíkur þar með kjósendur sína hvort kjósendur geti ekki skipt um skoðun og breytt atkvæði sínu svona eftir á?  Það er í það minnsta alveg jafn rökrétt og þvælan sem rennur upp úr Illuga í meðfylgjandi myndbandi.

Hvað sem því líður, þá er það á hreinu, að núverandi stjórn, öll eins og hún leggur sig er ekkert annað en samansafn af óheiðarlegum siðblindingjum sem eru lygarar og svikarar við fólkið í landinu.
Ærulaust pakk sem enga virðingu á skilið.

 

Skoðað: 1531

Umsagnir eru á ábyrgð þeirra sem þær skrifa

komment

Allur réttur áskilin. Jack H. Daniels © 2014