Það sem hér fer á eftir er grein sim birtist á Eyjunni í morgunn en er aðeins stílfærð og smá nafnabreytingar gerðar til að sýna samhengið milli hrottaskapar í stjórn Bandarískra Repúblikana og núverandi stjórnar á Íslandi.
Það sem er feitletrað í textanum hér að neðan eru breytingar þess er ritar.
Vaknið Íslendingar því þetta er það sem er að gerast í okkar litla landi.
Á hverjum mánudegi síðan í apríl hafa þúsundir íbúa í Íslandi safnast saman við þinghús landsins til að mótmæla þeim miklu skemmdum sem nýr meirihluti ríkisstjórnar Framsóknar og Sjálfstæðisflokks á þinginu hefur verið að valda á velferðarkerfi fylkisins.
Löng hefð er fyrir velferðarkerfi á Íslandi en heldur hallar undan fæti með það þessa dagana eftir að ríkisstjórnarflokkarnir komust til valda í janúar þegar Sigmundur Davíð Gunnlaugsson var kjörinn Forsætisráðherra. Þannig eru stjórnarflokkarnir nú í meirihluta á þinginu og fara með framkvæmdavaldið. Þetta er ekki í fyrsta sinn sem þeir fara bæði með löggjafar- og framkvæmdavaldið samtímis.
Íslenskir fjölmiðlar sem ekki eru undir hæl stjórnvalda segja að fjöldi manns hafi verið handteknir í mánudagsmótmælunum sem virðast þó ekki hafa nein áhrif á ríkisstjórnina því slæmar fréttir halda áfram að berast frá þinginu. Fjölmiðlar segja að svo virðist sem keppt sé í eyðileggingu því verið sé að rífa niður árangur síðustu ára og áratuga í skólakerfinu, skattakerfinu, jafnrétti kynjana í dómssölum og aðgengi að kjörstöðum.
Ein versta ákvörðun þingsins tók gildi í síðustu viku þegar 7.000 manns hættu að fá greiddar atvinnuleysisbætur og önnur 10.000 missa bæturnar innan nokkurra vikna. Þeir sem fá áfram greiddar bætur fá nú í mesta lagi 100.000,- kr á mánuði í staðinn fyrir 180.000,- kr og geta aðeins fengið bætur í 12 vikur í stað 26 áður. Landið glímir við fimmta mesta atvinnuleysi ríkja Evrópu en það hindraði ekki marga stjórnarliða í að móðga vinnandi fólk og atvinnuleitendur með því að segja að fólk væri atvinnulaust því bæturnar væru svo ríflegar.
Ísland er eina landið í evrópu sem hefur hætt að fá greiddar langtíma atvinnuleysisbætur úr sérstökum verkefnissjóði EES því fylkið vildi ekki greiða til baka 2,5 milljarða króna sem það skuldar EES vegna þátttöku í verkefninu. Þingið færði þau rök fyrir róttækum breytingum á atvinnuleysisbótakerfinu að það væri skynsamlegra að skera þær niður heldur en að hækka skatta fyrirtækja til að greiða skuldina við EES. Þingmenn fylgdu þessari röksemdafærslu blindandi og samþykktu að hætta þátttöku í verkefni EES.
Á sama tíma er fylkið einnig að gera kynslóðum framtíðarinnar erfiðara fyrir með að fá vinnu því dregið hefur verið mikið úr fjárframlögum til opinberra skóla. Fólki hefur fjölgað mikið á Íslandi undanfarin ár en þrátt fyrir það er minna fé sett í skólakerfið núna en 2007 og er fylkið með fimmtu lægstu útgjöld til skólakerfisins af löndum í Evrópu miðað við höfðatölu þeirra. Laun kennara hafa verið lækkuð og þúsundir leikskólaplássa verða lögð af og þjónusta við fötluð börn hefur verið minnkuð.
Stjórnarflokkarnir hafa afnumið lög frá 2009 sem þeim sem hafa hlotið pólitíska dóma að fara með mál sitt fyrir dóm ef þeir töldu sig hafa verið fórnarlömb pólitísks misréttis. Þeir hafa neitað víkka gildissvið sjúkratryggingakerfisins og vilja lækka tekjuskatt tekjuhárra en hækka virðisaukaskatt í staðinn. Þingið hefur þegar samþykkt lög sem munu leiða til þess að flestum fóstureyðingarstöðvum í ríkinu verður lokað.
Þingið er einnig á hraðferð með að breyta kosningalöggjöfinni þannig að ríkari kröfur verða gerða til að fólk sýni skilríki á kjörstað og að hætta að opna kjörstaði snemma dags og að kosningar verði ekki á sunnudögum, en fylgjendur annara flokka eru þekktir fyrir að nýta sér þessa möguleika í mun meiri mæli en Framsóknar og Sjálfstæðismenn. Þá stefna þeir á að fella niður skattaafslátt til handa stúdentum og fjölskyldum þeirra ef stúdentarnir kjósa í háskólum sínum í staðinn fyrir í heimabæjum sínum. Þessu er gagngert beint gegn miklum fjölda stuðningsfólks annara flokka í háskólabæjum eins og Reykjavík Suðurnesjum og Akureyri.
Ísland var eitt sinn talinn vera fyrirmynd réttsýni og réttlætis í Evrópu, undantekning landa sem flest glíma við lélegt menntakerfi, skort á umburðarlyndi og þröngsýni. Á nokkrum mánuðum hefur stjórnarflokkunum tekist vel upp í að eyðileggja hluta af því sem hefur verið byggt upp síðustu ár.
Þessi grein var unnin upp úr grein sem birtist á Eyjunni 13. júlí 2013.
