Það kemur stundum fyrir að maður fattar ekki hlutina fyrr en manni er bent á þá og þegar það gerist þá líður manni eins og maður sé algjör hálfviti.
Það kom fyrir mig í morgun eftir að ég deildi mynd af Bjarna Ben þar sem spurt er hvaða einstakling hann ætlar að veðja á í komandi kosningum í haust en í auglýsingunni sem hann undirritar segir eftirfarandi:
„Okkar stefna snýst um að veðja á EINSTAKLINGINN“
Fólk og þar með talið undirritaður er búinn frá því 24. febrúar, velta þessu fyrir sér hvað eftir annað og nefna ýmsa þjóðfélagshópa sem verður alveg örugglega ekki veðjað á eins og öryrkja, eldri borgara, láglaunafólk og fleiri hópa en raunin er að allir hafa vitlaust fyrir sér utan einn maður sem kommentaði svo snyrtilega hjá mér við þessa áróðursmynd Bjarna Ben;
„Eins og sjá má er einstaklingur í eintölu og á hann að sjálfsögðu þar við sjálfan sig…“
Takk Gunni. Þetta er augljóst þegar manni er sagt það og maður fattar þá líka hvað maður er vitlaus þegar upp er staðið.