Skilaboð úr fílabeinsturninum til almennings

Æðsti strumpur fílabeinsturnsins, lygana og áróðursins.

963 Skoðað

Æðsti strumpur fílabeinsturnsins, lygana og áróðursins.
Æðsti strumpur fílabeinsturnsins, lygana og áróðursins.

Í sameiginlegri skýrslu heildarsamtaka aðila á vinnumarkaði, um umgjörð kjarasamninga eru raktar helstu efnahagsspár til ársins 2015.  Þær draga upp sviðsmyndir sem einkennast af mikilli og óstöðugri verðbólgu og vaxtahækkunum næstu árin, margfalt meiri en í þeim löndum sem við berum okkur saman við. Verðbólga verði yfir markmiðum næstu ár 3,5 – 4,5 prósent á þessu ári, svipuð á næsta ári og allt að 3,5 prósent árið 2015. Ein helsta forsendan fyrir þessum spám er að laun hækki um 5,5 prósent næstu tvö árin.

Þorsteinn Víglundsson, framkvæmdastjóri Samtaka Atvinnulífsins, segir þessar framtíðarhorfur dökkar og að tryggja verði að þær verði ekki að veruleika. „Við sjáum að við erum að hækka laun í tvöföldum takti miðað við það sem gengur og gerist í nágrannalöndunum og uppskerum í verðbólgu sem er miklu mun hærri en þar.

Væri ekki ráð fyrir þetta fólk að fara að stíga niður úr þeim fílabeinsturni sem það lifir i?  Þarna er verið að bera saman launahækkannir í löndum þar sem kaupmáttur er þrisvar til fjórum sinnum meiri hjá þeim sem eru á lægstu launum heldur en hér á landi.  Það þýðir ekkert lengur hjá Þorsteini og hans slekti að segja bara hálfa söguna og nota lygar og áróður í restina.  Almenningur tekur ekki lengur mark á svona þvættingi frá fólki sem lifir langt utan þess raunveruleika sem almenningur á íslandi þarf að lifa við.

Verkalýðsfélögin og stjórnendur þeirra þurfa að fara að taka sig rækilega saman í rassgatinu, reka harðan áróður fyrir því að lægstu laun hækki um amk 50% í komandi kjarasamningum og koma Gylfa Arnbjörnssyni, formanni ASÍ frá völdum, enda er hann ekkert annað en leppur SA og stjórnvalda með fjórföld ef ekki fimmföld laun umbjóðenda sinna án þess að hafa hag þeirra að leiðarljósi.

Almenningur þarf að taka sig saman af hörku núna, styðja við bakið á sínum verkalýðsfélögum og gera kröfur um almennilegar kjarabætur því þetta ástand ásamt lygaáróðri SA, Seðlabanka og stjórnvalda gengur ekki lengur.

Nú er þetta undir hinum almenna launamanni komð hverjar kjarabæturnar verða.  Það eru bara aumingjar, ræflar og liðleskjur, svikarar við vinnufélaga sína og almenning í landinu sem gera ekkert til að bæta sín kjör og annara.  Fólk verður að standa saman gegn arðræningjum auðvaldsins sem vill halda til streitu láglauna og þrælastefnu á íslandi.

Annað er bara skandall.

963 Skoðað