Enn verður Vigdís Hauksdóttir sér til ævarandi skammar

2490 Skoðað

Vigdís er rotna eplið í tunnu Framsóknar
Vigdís er rotna eplið í tunnu Framsóknar

Það verður seint sagt um Vigdísi Hauksdóttur (B) að hún sé skarpasti hnífur í skúffu Framsóknarflokksins.  Hvað eftir annað hafa ummæli hennar orðið að heitum umræðum í þjóðfélaginu þar sem sumir dásama hana fyrir ræðusnilld og orðheppni meðan aðrir finna henni allt til foráttu og gera stólpa grín að ambögum þeim sem hún hefur látið frá sér fara.
Þann 26. júní 2013 var hún á beinni línu hjá DV og svaraði þar spurningum almennings.  Þegar hún var spurð að því af einum lesenda hvort ekki væri þörf á að skera niður listamannalaun og hvort ríkið hefði efni á að hafa fólk á styrkjum við að sinna áhugamáli sínu svaraði hún:

Stefna flokkins er að afnema skuli listamannalaun í þeirri mynd sem þau eru og velja og styrkja í staðinn unga efnilega listamenn – þessi listamannalaun fóru út í vitleysu á síðasta kjörtímabili i- og ég fullyrði að hefðu ráðherrar Framsóknarmanna farið fyrir því að láta maka tveggja ráðherra á listamannalaun – þá hefði allt orðið vitlaust – og hrópað að viðkomandi ráðherrar yrðu að segja af sér – en þar sem þetta voru Samfylkingamakar – var málið þaggað niður og ekki rætt

Smellið til að stækka
Fyrra svar Vigdísar

Katrín Júlíusdóttir er annar þeirra þingmanna sem Vigdís vitnar þarna til en eiginmaður hennar, Bjarni Bjarnason rithöfundur, er einn þeirra sem hafa fengið starfslaun  úr listamannasjóði frá 1996 en þau kynntust 14 árum síðar.

Og Katrín bætir við:

Mér er eiginlega nóg boðið. Þess vegna kem ég hingað upp til að verja minn maka. Þegar að þingmenn skuli koma hér og fara í maka annarra þingmanna er hreinlega fyrir neðan allar hellur, sérstaklega þar sem þeir hafa lítil tök á því að verja sig fyrir slíkum loftárásum.
Ég held að hver og einn þingmaður hérna inni ætti að hugsa um það ef hér er verið að byrja einhverskonar nýjar aðferðir sem snúast um það að þingmenn fari hér í maka annarra þingmanna út af mögulegum og ómögulegum málum
Mér finnst vont að sitja undir þessu vegna þess að minn maður [Bjarni Bjarnason rithöfundur] var búinn að vera rithöfundur lengi áður en við kynntumst. Hann var búinn að fá starfslaun úr listamannasjóði frá 1996 – við kynntumst 14 árum síðar. Hann hefur fengið minna eftir að við kynntumst ef eitthvað er og geri ég ráð fyrir því að það sé á faglegum forsendum.
Ég kom hvergi nálægt einu eða neinu hvað varðar úthlutun til míns manns úr starfssjóði listmannalauna eftir að við kynntumst. Ég óska eftir því að hæstvirtur forseti hlutist til um það að verja maka þingmanna fyrri slíkum árásum með því að hlutast til um að rannsókn verði hreinlega gerð á þessum máli þannig að mannorð þeirra verði hreinsað

Vigdís er búin að taka nýjan pól í hæðina með árásum sínum á maka þingmanna og því spurning hvort það verði sú umræðuhefð sem koma skal í boði Framsóknar?  Að ráðast á maka þingmanna með ásakannir þegar rökin fyrir öllu öðru þrýtur?
Þetta var ljótur leikur hjá Vigdísi og henni ekki til sóma, þvert á móti verður þetta henni til ævarandi skammar og má ekki gleymast.

Smellið til að stækka.
Seinna svar Vigdísar

Önnur kona sem spurði Vigdísi í kjölfarið um hvort það ætti þá að útiloka þá listamenn sem eru svo óheppnir að vera giftir þingmönnum frá því að fá listamannalaun svaraði hún með þessum orðum: ,,Kaust þú X-S í síðustu kosningum?”

Það er með öllu ólíðandi að horfa upp á svona hegðun hjá þingmanni á þjóðþingi landsins og verður síst af öllu til þess að almenningur í landinu geti eða hafi hreinlega lyst á því að bera nokkra virðingu fyrir svona háttalagi.
Vigdís Hauksdóttir er rotið epli í tunnunni, skemmd sem þarf að fjarlægja.

2490 Skoðað