Jack H. Daniels

Svarthol Hugans

Þroskaðir þjóðfélagsþegnar

Skoðað: 2949

Ungt fólk sem þráir að komast í feit embætti seinna á lífsleiðinni í gegnum spilltasta flokk landsins.

Það verður seint sagt að félagslegur þroski eða greind standi Heimdellingum fyrir þrifum.  Nú hefur þessi stórmerkilegi félagsskapur sem kennir sig við sjálfstæði sett upp fésbókarsíðu þar sem þeir auglýsa eftir borgarstjóra Reykjavíkur og heita jafnvel verðlaunum fyrir þann sem getur haft upp á honum.
Félagsskapur sá sem um ræðir eru krakkagrey sem hafa það eina markmið í þessu lífi, að komast á spena Sjálfstæðisflokksins þegar þau komast á fullorðinsár þar sem þau geta lifað í skjóli spillingar og fengið feit embætti án þess að hafa til þess unnið á nokkurn hátt eða svona svipað og Hannes Hólmsteinn Gissurarson.

 Hjá þessu félagi er rekin stjórnmálaskóli þar sem krökkunum er kennt í þaula hvernig skal verða að spilltum pólitíkus og það stakk í augun að þar er HHG einn kennarana en hann sér um sögukennslu.  Má því gera að því skóna að sú sögukennsla sé í raun ættuð úr Hádegismóum, en þar stundar ritstjóri Morgunnblaðsins stórfellda sögufölsun á stjórnmálasögu fyrsta hluta 21. aldar.

Verður því að segja þessum krakkagreyjum, að ekki sýna þau þroksa með þessum aðferðum sínum en alveg er ljóst að þetta eru hinir fullkomnu kandídatar til að taka við stjórnartaumum í Sjálfstæðisflokknum þegar stuttbuxunum sleppir og tvö hundruð þúsund króna jakkafötin taka við.

Féleg framtíðarsýn það.

Skoðað: 2949

Umsagnir eru á ábyrgð þeirra sem þær skrifa

komment

Updated: 18. júlí 2012 — 17:06
Allur réttur áskilin. Jack H. Daniels © 2014

Með því að halda áfram samþykkir þú að nota smákökur. meiri upplýsingar

Stillingar vefsíðunar krefjast þess að smákökur séu notaðar til að notendur fá bestu mögulegu gæði og hraða við að skoða síðuna. Ef þú heldur áfram að nota síðuna án þess að breyta smákökustillingum þínum eða með því að smella á "Samþykkja" hér að neðan, þá ertu mögulega að missa af efni á síðunni.

Loka