Jack H. Daniels

Svarthol Hugans

Setjum lög á sjómannaverkfallið

Skoðað: 1564

Aðstæðurnar til vinnu eru oft ekki glæsilegar þegar dallurinn veltur til og frá.

Það er alveg komin tími til að setja lög á verkfall sjómanna og stoppa þessa vitleysu og frekju sem einkennir útgerðirnar og SFS í þessari deilu.
Útgerðirnar geta beðið út í það óendanlega ef þeim sýnist svo því að er engin hvati fyrir þær að semja um þau kjör sem sjómenn setja fram.

Gunnar Ingiberg, þingmaður Pírata kom inn á þetta í ræðu á alþingi á dögunum og segir meðal annars:

Virðulegi forseti. Eins og fram hefur komið liggur fyrir beiðni um skýrslu um áhrif af verkfalli sjómanna. Útsvarstekjur sveitarfélaga dragast saman, flutningsrekstur finnur fyrir miklum þrengingum í verkefnastöðu, minni fiskvinnslur án útgerðar eru hráefnislausar. Fiskvinnslufólk er sett á atvinnuleysisbætur vegna hráefnisskorts og ferskur fiskútflutningur er í lágmarki.

Langtímasamningar útgerðarinnar eru að einhverju leyti í húfi en í aflamarkskerfinu eins og það er uppsett í dag er í raun enginn hvati fyrir útgerðina til að semja þrátt fyrir allt ofangreint. Útgerðarmenn geta gengið að því vísu að þegar verkfalli lýkur er kvótinn eftir. Í raun snýst þetta bara um það að sækja meira magn á styttri tíma.

SFS rýfur svo fjölmiðlabann og samhliða krefur Guðmundur í Brimi stjórnvöld um aðgerðir hið snarasta með greinaskrifum sínum. Ég hef því hugmynd sem ég varpa fram í ljósi stöðunnar. Ég legg til að veiðar á bátum undir 12 metrum og 15 tonnum verði gefnar frjálsar fram að lokum verkfalls. Ef raunverulegar áhyggjur stjórnvalda og þingheims eru þær að minni fyrirtæki og stoðgreinar liggi að veði í deilunni getum við með þessum hætti liðkað til, fært landsbyggðinni örlitla björg í bú. Jafnframt held ég að samninganefnd útgerðarinnar semji á mettíma, eða eins löngum tíma og tekur að boða og setja fund. Með þeirri aðferð stígum við ekki á samningsrétt aðila deilunnar. Þarna höfum við lausn á hnútnum sem færir ekki útgerðarmönnum uppfylltar kröfur þeirra á silfurfati. Ef fiskvinnslurnar fá hráefni er síður hægt að beita starfsfólki fiskvinnslustöðvanna sem vopni gegn sjómönnum.

Vinnustaður sjómanna.

Ég er með tillögu til að klippa á deiluna og setja útgerðunum stólinn fyrir dyrnar.

1: Skiptahlutur verður 50% af óskiptum afla sem komið er með að landi.
2: Olíukostnaður sjómanna verði lækkaður úr 30% í 20%
3: Útgerðin sjáí alfarið um fæðiskostnað sjómanna og hlífðarfatnað sem sjómenn nota við sína vinnu.
4: Nýsmíðagjald á sjómenn verði aflagt með öllu.

Það er í raun fáránlegt í alla staði að sjómenn skuli taka þátt í olíu og kvótakaupum eða kvótaleigu á skipum sem þeir starfa á.

Annað hvort þetta sem lög frá alþingi eða útgerðarmenn komi að borðinu og semji strax

Skoðað: 1564

Umsagnir eru á ábyrgð þeirra sem þær skrifa

komment

Updated: 9. febrúar 2017 — 12:27
Allur réttur áskilin. Jack H. Daniels © 2014

Með því að halda áfram samþykkir þú að nota smákökur. meiri upplýsingar

Stillingar vefsíðunar krefjast þess að smákökur séu notaðar til að notendur fá bestu mögulegu gæði og hraða við að skoða síðuna. Ef þú heldur áfram að nota síðuna án þess að breyta smákökustillingum þínum eða með því að smella á "Samþykkja" hér að neðan, þá ertu mögulega að missa af efni á síðunni.

Loka