Jack H. Daniels

Svarthol Hugans

Opið bréf til stjórnenda Motus. HÆTTIÐ AÐ HRINGJA Í FÓLK Á AÐVENTUNNI!

Skoðað: 1179

Mest pirrandi og leiðinlegasta innheimtuþjónusta landsins.

Eina innheimtufyrirtækið á íslandi sem er svo óforskammað að hringja í fólk á aðventunni og „minna“ það á að það skuldi hinum og þessum svo og svo mikið.
Hvað í fjandanum gengur eiginlega á í hausnum á stjórnendum þessa fyrirtækis?
Það er búið að hringja í okkur minnsta að kosti fjórum sinnum á síðustu 10 dögum til að jarma út af skuldum sem við vitum alveg um en bág fjárhagsstaða okkar gerir það að verkum að við höfum ekki geta greitt þessa reikninga.

Halda stjórnendur Motus að við gerum það að gamni okkar að borga þetta ekki og láta þetta fara í innheimtu?
Halda þessir sálarlausu lögfræðingsdrullusokkar að við sem erum með lægstu tekjurnar í þessu þjóðfélagi gerum það að gamni okkar að láta reikninga gjaldfalla?
Halda þessir stjórnendur og sálarmorðingjar að okkur langi ekki til að halda jól og borða góðan mat í það minnsta einu sinni á ári?

Hættið að hringja í fólk rétt fyrir jólin og hamast á því, því það eina sem hefst upp úr því er nákvæmlega það sem gerðist núna í dag, ég sprakk og hraunaði yfir aumingjans stúlkuna sem hringdi í okkur til að „minna“ á skuld sem er í innheimtu hjá ykkur hjá Motus.
Aumingja stúlkan er bara að vinna sína vinnu samkvæmt skipun yfirmanna sinna og það er hún sem þurfti að taka við yfirdrullinu frá mér, yfirdrulli sem hefði í raun átt að fara beint til yfirmanna hennar en ég skal segja það hreint út, ég finn ekki til minnsta samviskubits yfir framkomu minni vegna þessa símtals.

Ég skal alveg játa að mér finnst það algjör drullusokksháttur og lágkúra á aðventunni að hringja í fólk vegna reikninga í innheimtu hjá ykkur vitandi að þið eruð að hringja í fólk sem getur jafnvel ekki haldið sómasamleg jól fyrir börnin sín.

Lágkúran er algjör.

Skoðað: 1179

Umsagnir eru á ábyrgð þeirra sem þær skrifa

komment

Updated: 21. desember 2016 — 13:38
Allur réttur áskilin. Jack H. Daniels © 2014

Með því að halda áfram samþykkir þú að nota smákökur. meiri upplýsingar

Stillingar vefsíðunar krefjast þess að smákökur séu notaðar til að notendur fá bestu mögulegu gæði og hraða við að skoða síðuna. Ef þú heldur áfram að nota síðuna án þess að breyta smákökustillingum þínum eða með því að smella á "Samþykkja" hér að neðan, þá ertu mögulega að missa af efni á síðunni.

Loka