Jack H. Daniels

Svarthol Hugans

Langar mest að farga mér. Get ég safnað milljón með því að sníkja „lán“ hjá þingmönnum?

Skoðað: 588

Meðaltalið er bara helvíti gott.

Þessi titill er náttúrlega bara fyrir athyglina en öllu gamni fylgir alltaf einhver alvara.  Fyrri hlutinn var sú hugsun sem flaug í gegnum huga mér þegar ég vaknaði í morgunn og sá seinni poppaði upp þegar ég sá umræðuna um laun þingmanna á samfélagsmiðlum.

Ég er þreyttari og vonlausari en ég hef nokkurntíma verið áður.  Ég sé enga framtíð lengur í þessu lífi nema ég komist hreinlega burt úr þessu landi spillingar og sérhagsmuna þar sem almenningur, aldraðir og öryrkjar eru látnir borga fyrir sukk og svínarí ofurríkra í þessu þjóðfélagi.  Allar aðgerðir stjórnvalda beinast að því að þeir best stæðu í þjóðfélaginu hafi það enn betra og eru stjórnvöld stöðugt í því að gera betur fyrir þá þjóðfélagshópa meðan hinn almenni launamaður, aldraðir og öryrkjar eru skattpíndir, skertir í tekjum og þeim mismunað með einhverjum viðbjóðslegustu lagasetningum sem tóku gidli um síðustu áramót, lögum um almannatryggingar í boði Eyglóar Harðardóttur, sem mismuna ellilífeyrisþegum og öryrkjum með þeim hætti sem aldrei hefur sést áður.

Ég get hreinlega ekki meira því í hverjum mánuði sé ég einhverja reikninga fara í vanskil og innheimtu hjá Motus, sem síðan gerir í því að hringja í mann í tíma og ótíma til að „minna“ mann á skuldina.
Það er að sjálfsögðu að hjálpa manni með andlegu líðanina þegar svona helvítis skítahyski eins og Motus gerir í því að auka á vonleysi fólks, enda hef ég öskrað á þá, kallað þá öllum illum nöfnum í síman og skellt svo á þá til að fá útrás fyrir gremjuna.  En þetta er bara fólk að vinna sína vinnu eftir dagsskipnu eigenda og stjórnenda Motus enda skammast ég mín yfirleitt eftir á að hafa ausið svívirðingum yfir aumingja fólkið og samviskan nagar mig.
Ég er líka hættur að svara símtölum frá Motus í dag.

Birtingarmynd sníkjudýrs sem lifir í vellystingum á kostnað aldraðra og öryrkja.

Ég hef oft verið spurður að því hvað hafi skriðið upp í rassgatið á mér og drepist þegar ég er sem verstur í kjaftinum og því er fljótsvarað.
Það skreið þangað spilltur pólkitíkus en hann drapst ekki heldur lifir góðu lífi sem snýkill og sogar frá mér alla lífsorku og gerir mér ókleyft að lifa mannsæmandi lífi í einu ríkasta landi í heiminum vegna eigin græði, spillingar og siðferðisblindu.
Verra er þó hyskið sem styður hann og kýs í heimsku sinni og meðvirkni en það eru allir sem styðja sjálfstæðisflokkinn og vanskapaða afkvæmi sem Við(undur)reisn er.  Fólk sem kýs þá flokka er illa skert af helbrigðri skynsemi og vitið er lítið að þvælast fyrir því aumingjans fólk enda nennir það ekki að hugsa.
Það vill bara græða á daginn og grilla á kvöldin og er alla jafna nákvælmlega skítsama um allt og alla nema sjálft sig og eigið rassgat.

Ég fór að hugsa það í morgunn, þegar ég loksins kom mér fram úr rúminu, langaði satt best að segja að skríða aftur undir sæng og drepast bara, að senda sníkjupóst á alla þingmenn og ráherra, 63 kvikindi og biðja þá að leggja mér fjárhagslegt lið svo ég gæti nú mögulega greitt niður þessi helvítis vanskil sem á mér hvíla sem trollhleri frá helvíti, (Samherja), því þá munar fjandakornið ekkert um að styrkja ræfil eins og mig um svona 20 til 50 þúsund kall.  Þeir mundu tæplega svelta við það þessi grey.
En svo sótti að mér raunveruleikakennd og ég fattaði að þeir mundu aldrei tíma því að láta frá sér eina einustu krónu því þeir þurfa að safna til mögru árana.  Árana eftir hrun 2 sem verður að öllum líkindum eftir 1 til 2 ár með þá ömurlegustu ríkisstjórn einkavinavæðingar og spillingarhyggjunnar sem situr við völd eins og er.

Þá er þessum vælupistli mínum lokið.
Egið góðan dag, góða viku og gott líf.

Skoðað: 588

Umsagnir eru á ábyrgð þeirra sem þær skrifa

komment

Updated: 22. febrúar 2017 — 11:22
Allur réttur áskilin. Jack H. Daniels © 2014