Glöggt er gests auga. Best væri að ísland færi á hausinn

Svarthol Hugans

Glöggt er gests auga. Best væri að ísland færi á hausinn

Skoðað: 3025

Í ljósi fortíðarinnar er framtíðin skýr.

Í ljósi fortíðarinnar er framtíðin skýr.

Þegar íslendingar sem búið hafa lengi erlendis koma í heimsókn til íslands þá tala þeir um hvað þeim er brugðið við ástandið eins og það er orðið hér á landinu okkar.  Einn af þeim sem hafa flust erlendis skrifar um upplifun sína í hópnum Ísland – 20. fylki Noregs og lýsir þar hvernig ástandið kemur honum fyrir sjónir.

Nú er ég staddur á Íslandi og er ekki uppnuminn af neinu. Allt sem ég heyrði og sé hef ég heyrt áður og séð. Það unga fólk sem ég þekki og talaði við er vonlítið á breytingar í þjóðfélaginu. Mánuðurinn er ekki búinn og fólk er peningalaust þrátt fyrir mikla vinnu. Fólk segir að það elski landið og ég segi að landið sé ekkert að fara neitt þótt fólk flytji annað til að fá betri afkomu. Ég held því fram að það sé betra að búa annarstaðar og hafa þá efni á því að koma til Íslands heldur en að búa á Íslandi og hafa ekki efni á því að fara út fyrir múra borgarinnar og njóta náttúrunnar. Fólk sem hefur 240 þúsund í tekjur eftir skatt og þarf að borga 160 þúsund í leigu hefur ekki efni á að skoða fegurð landsins, né framfleyta sér ásamt tveimur börnum sínum, svo dæmi sé tekið.

Þetta getur hver sem býr á íslandi tekið heils hugar undir enda er þetta öllum ljóst sem þurfa að lifa af þessum tekjum og þaðan af minna.
Hann heldur áfram.

Fyrsta verk ríkistjórnarinnar var að vinna fyrir þá sem mest hafa og eiga. Það lá svo mikið á að það varð að setja sumarþing til að uppfylla þarfir þeirra, en fólkið sem á ekki fyrir nauðþurftum síðustu vikuna í mánuði skiptir engu máli.

Fólk hlýtur nú að muna eftir þessu enda var þetta þjóðþrifaverk sem koma varð í framkvæmd eins fljótt og auðið var svo ríkisbubbarnir í landinu misstu nú ekki spón úr aski sínum og gætu farið að endurnýja jeppaflotann og flatskjáina sem höfðu enst þeim frá árinu 2007 og þar með gjörsamlega úr sér gegnin.
En áfram með smjörið og nú kemur það sem skiptir máli.

Ég segi hiklaust við unga fólkið að það eigi ekki að safna sér fyrir íbúð heldur fyrir flutningum til Noregs eða Danmörku og fara að lifa góðu fjölskyldulífi. Staðreyndin er sú að við skuldum svo mikið að við getum ekki staðið við velferðarkerfið og þurfum að skera það niður. Það er mjög skrítið að fólk skuli hafi kosið þá stjórnmálaflokka sem skópu efnahagsvandann aftur til valda eins og þeir hafa einhvern töfrasprota til að laga ástandið. Á næsta ári fer verðbólgan aftur af stað og það fólk sem á eitthvað mun missa það í verðtryggingar glæpastarfseminni.

Þetta tek ég heils hugar undir og vísa í fyrri pistil minn máli mínu til stuðnings.  Þeir sem hafa tök á því að koma sér burt frá þessu skeri, eiga að gera það og það ekki seinna en strax ef það vill eignast eitthvað annað líf en verða að þrælum í láglaunalandi þar sem spillingin drýpur af hverri rotinni trjágrein og sinustrái í landinu og ráðherrar, þingmenn og aftaníosar þeirra ljúga í annarri hverri setningu eða jafnvel hverri og auðrúa almúginn í húrrhrópum heimsku sinnar kýs þetta gjörspillta drasl yfir þjóðina aftur og aftur.
Nei krakkar.  Komið ykkur burt í hvelli svo þið getið skapað ykkur og afkomendum ykkar sómasamlegt líf.  Ekki binda ykkur í hlekki þrælsins, bankana, verðtrygginga og gjörspilltra þingmanna.  Komið ykkur úr landi sem fyrst.

En áfram með skrifin frá Guðmundi.

Ég er svo reiður út í stjórnkerfið að ég vildi óska að landið færi gjörsamlega á hausinn og þá mun fólk fá hjálp frá nágrönnum okkar. Það er nefnilega staðreynd að þær byggingar sem eru til í þjóðfélaginu er ekki að fara neitt þó landið fari á hausinn og þá kannski verður búandi á Íslandi í framtíðinni. Það er betra að byrja á núlli heldur en í mínus. Það besta sem gerist á Íslandi er að allt kerfið fari gjörsamlega á hausinn og þá mun hefjast raunveruleg uppbygging á nýja Íslandi en ekki gamla, eins og gert var.

Allir sem geta hugsað hálfa hugsun á íslandi eru reiðir.
Nei þeiru eru reyndar öskubrjálaðir og langar í raun til þess að nákvæmlega þetta gerist.
Að Ísland fari gjörsamlega á hausinn og verði lýst gjaldþrota því það væri bara af hinu góða ef sú yrði raunin.
Því þá væri hægt að byrja á núlli og byggja raunverulega upp nýtt og betra þjóðfélag.
En það verður að gerast með öðrum hætti og því er lýst hér.

Við þurfum að vera staðföst og trú við Fylkisflokkinn því hann er eina mótvægið sem komið hefur upp svo ég muni og man ég ansi langt.

Það er nefnilega málið.
Við þurfum flokk eins og Fylkisflokkinn til að taka á málunum þegar spillingarflokkarnir sem nú sitja við völd hafa gert okkur gjaldþrota.  Þá er nefnilega hægt að byrja upp á nýtt sem 20. fylki Noregs og losna þar með við spillingapésana og aftaníosa þeirra sem hæst hafa gjammað í heimsku sinni, fáfræði og fláræði til að telja auðtrúa og illa gefnum kjósendum um að núverandi stjórnarflokkar séu hinir einu bjargvættir lands og þjóðar.  Það sorglega er að það verður alltaf til fólk sem trúir lygurunum og mærir þá og kýs þá, þjóðinni allri til óheilla eins og við sjáum svo glögglega í dag.

Ræðið og Deilið.

Skoðað: 3025

Umsagnir eru á ábyrgð þeirra sem þær skrifa

komment