Jack H. Daniels

Svarthol Hugans

Framsókn breytist ekkert. Allt gert til að hygla flokksfélögum

Skoðað: 2153

Lítur svo sem vel út en hvernig ætli þetta sé í 20 gráðu frosti og norðan hraglanda?

Lítur svo sem vel út en hvernig ætli þetta sé í 20 gráðu frosti og norðan hraglanda?

Gámabyggð er nýjasta útfærsla Framsóknarkvenndisins Eyglóar Harðardóttur Félagsmálaráðherra á gömlu braggahverfunum sem herinn skildi eftir sig þegar hann hvarf úr landi eftir stríðið 1945.
Vissulega eru gámahúsin skárri en braggarnir en þetta verður aldrei íbúðarhúsnæði sem er í neinu kvaltí við raunveruleg hús.  Einangrun er þunn og léleg og loftræsting að sama skapi aldrei eins og í venjulegu húsi.

En þetta er ekki það sem ég ætlaði að fjalla um, heldur velta því upp hvers vegna er Eygló allt í einu svona hrifin af gámahúsum?
Skýringin kemur í ljós þegar farið er að kafa í málið og skoða það betur.

Eygló Harðardóttir félagsmálaráðherra Framsóknar bloggaði á Pressuna fyrir viku um gáma svo eftir var tekið. Sagði meðal annars „Því ég gjarnan gera enn eina tilraunina til að vinna á fordómum gegn gámum, ekki hvað síst þar sem þar má finna nokkur af mínum draumahúsum, þökk sé flottum arkitektum og iðnaðarmönnum sem geta sannarlega hugsað út fyrir kassann“

Í athugasemdum við bloggið skrifar Svanur Guðmundson leigumiðlari þetta: „Við hjá Smáíbúðum höfum hannað og smíðað í samstarfi við fyrirtækið PEP litlar íbúðir til að mæta vanda á húsnæðismarkaði. Byggingarnar nota gáma sem stoðgrind fyrir byggingarnar og buðum sveitarstjórnarmönnum að skoða fyllkláraða íbúð. Treystum við okkur til að reysa viðkomandi íbúðir á 6-9 mánuðum. Fulltrúar frá Kópavogi mættu til að skoða en borgarfulltrúar núvernandi meirihluta í Reykjavík sáu ekki ástæðu til að mæta. Jafnframt áttum við fundi með skipulaginu í Reykjavík og þar kom fram að engin lóð væri til í Reykjavík og áhugi á að leysa bráðavanda fólks í húsnæðisvanda var enginn.“

Svanur er eiginmaður Guðfinnu Jóhönnu Guðmundsdóttur borgarfulltrúa Framsóknar í Reykjavík.
Ef Eygló verður að ósk sinni um eyðingu fordóma gagnvart gámum og stuðlar þar með að uppbyggingu þeirra í massavís mun Svanur þessi auðgast mest allra.

Svona er Ísland í dag.

Skoðað: 2153

Umsagnir eru á ábyrgð þeirra sem þær skrifa

komment

Updated: 27. september 2014 — 18:31
Allur réttur áskilin. Jack H. Daniels © 2014